XIV Encontro InspiraTICs - Vigo

Paisaxes e espazos de aprendizaxe - 14 de marzo de 2019

Paisaxes e espazos de aprendizaxe déronse a man no último encontro InspiraTICS e o primeiro que se celebraba fóra do seu emprazamento habitual, neste caso na cidade de Vigo.

A informática e docente Charo Fernández, e o artista e formador Siro López, foron os encargados de inspirar para a acción a uns 200 educadores de toda Galicia.

Responsables da Fundación Amancio Ortega, Óscar Ortega; e da Fundación Santiago Rey Fernández-Latorre, José Francisco Sánchez; estiveron presentes no evento cuxo arrinque conduciron María José Arroxo e Belén Ocampo. Coa frase “os protagonistas sodes vós” deron o pistoletazo de saída a unha dinámica para a que tamén se contou coa presenza e moderación de Carlos Magro e de Mónica Cantón de Celis.

A sesión de Charo Fernández e as súas paisaxes educativas comezou coa filosofía de traballo de lograr que o alumno se apropie da súa propia aprendizaxe, e todo iso baseándose en dúas ferramentas: a teoría das intelixencias múltiples e a taxonomía de Bloom.

Ao longo da sesión, os docentes organizados en grupos trataron de construír nunha tarefa colectiva os 48 ítems que xeran ambas as ferramentas conxugándoas entre si. Un taboleiro que conxuga o modo de crear, avaliar, analizar, aplicar, comprender e lembrar, en actividades para traballar na aula as intelixencias lingüística, lóxico matemática, visual espacial, musical, corporal cinestésica, naturalista, interpersoal e intrapersonal.

Actividades obrigatorias, optativas ou voluntarias, pero tamén as denominadas “ bonus”, unha tarefa á que poden optar nun prazo de tempo máis limitado pero puntúa máis que o resto, o que a fai máis atractiva para os seus alumnos. Todas elas son modalidades de traballo na aula propostas por Charo Fernández como parte das súas paisaxes educativas para estimular entre a diversidade que forman os seus alumnos.

O espazo educativo proposto por Siro López busca crear ambientes propicios para o equilibrio, para a creación. No seu percorrido por espazos de aprendizaxe e xogo de todo o mundo, este experto identifica os recunchos e elementos que xeran conflito para inspirar o cambio, e anima a copiar experiencias para adaptalas a cada centro escolar.

Natureza, plantas aromáticas, aperturismo, pequenos detalles, diferentes materiais e mesmo os tipos de luz ou a música son algunhas das pezas do quebracabezas para conseguir mellorar estes espazos educativos e facer de cada un algo diferente. “A nosa escola ten que ser un lugar para a danza, para a percusión, para o ritmo... onde imos introducir a nosa parede musical?”, preguntou o experto.

“Cambiar non é cuestión de diñeiro senón de mentalidade”. Con esta máxima Siro López propón aos educadores unha serie de retos como traballar sobre a acollida e benvida dos alumnos, transformar a porta da aula, introducir especies vexetais entre os pupitres, traballar con lousas de diferentes tipoloxías ou construír covas.

Fronte á realidade que nos presenta como o futuro o cinema ou os videoxogos, como unha xungla de asfalto e cidades inhabitables, o formador suxírenos combater esa realidade e deixar entrar nos nosos espazos educativos a luz natural, ter todas as ferramentas ao alcance dos nenos, deixar espazos de xogo libre ou deseñar xardíns de interior onde poder investigar, experimentar e aprender.

Siro López lembrou nas conclusións finais que compartiu con Charo, Mónica e Carlos, que no centro de calquera das nosas actividades, tamén na aula, deben estar as persoas. Tamén o educador pero dun modo especial o alumno. E “que faremos coa realidade mañá pola mañá? -dicía no seu peche Charo Fernández lendo a pregunta dun asistente- pois poñer en marcha todo isto”.

RELATORES E MODERADORES

Charo Fernández
Charo Fernández ()
Colegio Salesianos de Atocha

Profesora de Tecnoloxía desde 1996. Involucrada en numerosas actividades relacionadas co uso das Tics en educación e a formación de profesores, participa de maneira activa na asociación Aulablog.

Siro López
Siro López ()
Artista y formador

Artista e formador. Especializado en creatividade, espazos educativos e comunicación. Conxuga a pintura, o deseño, a fotografía e as artes escénicas coa formación de docentes.  Autor de varios libros sobre creatividade, aprendizaxe e espazos educativos. 

Mónica Cantón de Celis
Mónica Cantón de Celis ()
Design for Change

CEO de Design for Change Global e Colaboradora Honorífica do Departamento de Didáctica Xeral, Específica e Teoría da Educación da Facultade de Educación da Universidade de León.

Carlos Magro
Carlos Magro ()
Asociación Educación Abierta

Vicepresidente da Asociación Educación Abierta. Consultor independente en innovación educativa. Escribe no blogue: carlosmagro.wordpress.com

MELLORES MOMENTOS

Acreditaciones InspiraTICs Vigo Entregables InspiraTICs Vigo Belén y Mª José público en el auditorio Introducción Siro Taller Paisajes de Aprendizaje Inicio del taller Trabajando con Charo fichas Trabajo en equipo Debate Taller Siro Diseñando espacios Nuevos espacios Trabajo individual Nuevos espacios sobre plano Mesa redonda de conclusiones II Mesa redonda de conclusiones Cóctel Despedida